អំពីខ្ញុំ

សួរស្តីរ Khmer hit songs គឹជាប្លក់បទចំរៀងផង ជាប្លក់សម្រាប់ចែករំលែកចំនេះដឹងផ្នែកពត៌មានវិទ្យាផងដែរ។

ខ្ញុំចូលចិត្តស្តាប់បទចំរៀងច្រើន តាំងពីក្មេងមក។កាលពីក្មេងខ្ញុំ តែងតែច្រៀងបទចំរៀង លោកតា ស៊ីន ស៊ីសាមុត នៅពេលទៅឃ្វាលគោ​ ព្រោះនៅវាលស្រែពិតជាទីដ៏ទូលាយ និងមានសេរីភាពដ៏អស្ចារ្យសម្រាប់ ខ្ញុំណាស់។ខ្ញុំស្រែក មិនអោយចាញ់គេទេ។

ខ្ញុំនៅតែនឹកស្រណោះទី ស្រុកស្រែរចំការ ដែលជាអនុស្សារី៍យ រាប់រយ រាប់ពាន់ ដែលដិតជាប់អារម្មណ៍ជានិច្ច។ស្រុកស្រែចំការ ជាទីសុខសាន្តណាស់ ព្រោះមានធម្មជាតិ ស្រស់បំព្រង ខៀវស្រងាត់ ខ្យល់អាកាស់​បរិសុទ្ធ មានពន្លឺព្រះអាទិត្យគ្រប់គ្រាន់ មានបក្សាបក្សី ចំរុះនៅតាមមាត់អូរ និងត្រពាំង សំលេងទឹកហូរ ទឹកភ្លៀង សំលេងសត្វយំពេល ព្រឹកនិងពេលព្រលប់ ព្រះច័ន្ទរះនៅតាមទិសទាំងឡាយ ពេលរាត្រីឈរលើស្ពាន ស្រូបខ្យល់ត្រជាក់លាយឡំក្លិនផ្ការព្រៃក្រអូបឈ្ងុយឈ្ងប់ មើលតារារយពាន់រះអមដូងខែ។បើនិងរៀបរាប់អោយអស់នោះ ពិតជាមិនអាចបញ្ចប់អត្ថបទនោះទេ ព្រោះទិដ្ឋភាពនោះច្រើនៗណាស់។

ខ្ញុំជានិសិ្សតបញ្ជប់បរិញ្ញបត្រ ផ្នែកអក្សសាស្រ្តអង់គ្លេស តែមិនសូវចេះទេ ព្រោះពេលរៀនអត់សូវចេះ ហើយពេលបានការងារធ្វើក៏មិនមែនជាការងារដែលត្រូវប្រើភាសានេះច្រើនអីដែរ។យួៗទៅភ្លេចអស់ ទៅហើយ។

ខ្ញុំបាទមិនសូវពូកែខាងប្លក់អីប៉ុន្មានទេ គ្រាន់តែចូលចិត្តលេង និងចង់ធ្វើអ្វីមួយជារបស់ខ្លួនឯង។ហើយប្លក់នេះវាជាចំនេះដឹងតិចតួចរបស់ខ្ញុំ ដែលធ្លាប់ធ្លងកាត់បទពិសោធន៍ និង រៀនពីនេះពីនោះ។

ខ្ញុំបាទរីករាយណាស់ដែលបងប្អូនចូលមកអានប្លក់របស់ខ្ញុំ។ខ្ញុំនិងខិតខំរកអ្វីដែលថ្មីៗ មកចែករំលែកដើម្បីបានយល់ដឹងទាំងអស់គ្នា។

ខ្ញុំបាទក៏សូមខន្តីអភ័យទោសចំពោះកំហុសឆ្គងទាំងឡាយដែលបានលេចឡើងក្នុងប្លក់នេះ។សូមបងប្អូនជួយផ្តល់ជាមតិយោបល់ដើម្បីបានកែសម្រួលផង។

ជាចុងក្រោយសូមជូនពរសេរីបវដល់បងប្អូនទាំងអស់គ្នាជួបតែសេចក្តីសុខចំរើន ជោគជ័យក្នុងអាជីពការងារ និងអ្វីៗផ្សេងៗទៀតដែលបងប្អូនប្រាថ្នា។

សូមអរគុណ